ციფრული გადახდების მსოფლიო ლიდერი Visa, ბიზნეს ლიდერთა ფედერაციასთან ერთად „ქალები მომავლისთვის“ @women4tomorrow, იწყებს #She'sNext ონლაინ საგანმანათლებლო კურსს ქართველი მეწარმე ქალებისა და მცირე ბიზნესის მფლობელთათვის! #She’sNext-ის ოთხ საგანმანათლებლო  ვებინარზე წარმატებული ქალები, სფეროს  ექსპერტები და სამოტივაციო სპიკერები გაგაცნობენ ბიზნესის განვითარების ახალ მიდგომებს, მოგცემენ პრაქტიკულ რჩევებს თქვენი მიმდინარე პროექტების გაფართოებისა და ახალი ბიზნესის წამოსაწყებად. 

ბიზნეს სტრატეგიების დასახვა, ეფექტიანი მართვა, კრიზისთან გამკლავება, ბიზნესში ქალის ლიდერობის განვითარება და წარმატებული მოლაპარაკებების უნარი - ეს ის თემებია, რომლის შესახებაც ჩვენი ვებინარებიდან შეიტყობთ. შემოგვიერთდით და შეიძინეთ ახალი უნარები თქვენი ბიზნესის განსავითარებლად!

პირველი ვებინარი, „ლიდერობის ძალა: როგორ იქმნება ქალთა ლიდერობა და რა უნარებია საჭირო ლიდერად ჩამოყალიბებისთვის“, გაიმართება ორშაბათს, 2020 წლის 7 სექტემბერს.

#She’sNext-ის თითოეული ვებინარი მოიცავს შთამაგონებელ ონლაინ შეხვედრას წარმატებულ ქალ მეწარმეებთან, რომლებმაც შექმნეს და განავითარეს თავიანთი ბიზნესი. ისინი გაგიზიარებენ ისტორიებს, საკუთარ გამოცდილებაზე დაყრდნობით მოგცემენ პრაქტიკულ რჩევებს, განიხილავენ მათ წინაშე წარმოქმნილ გამოწვევებს, მიდგომებს, უნარებსა და პრინციპებს, რომლებიც მათ ბიზნესის განვითარებაში დაეხმარა.

#She'sNext ონლაინ საგანმანათლებლო პროგრამაზე დასწრება შეუძლია ყველა მსურველს. ვებინარები ორიენტირებულია მცირე ბიზნესის მფლობელებსა და მენეჯერებზე, მეწარმეებსა და ქალ მენეჯერებზე, რომელთაც სურთ განავითარონ საკუთარი ბიზნესი და გააუმჯობესონ მართვის მიდგომები. პროგრამა ასევე განკუთვნილია მათთვის, ვინც ახლა გეგმავს საკუთარი ბიზნესის წამოწყებას.

ონლაინ საგანმანათლებლო პროგრამაში #She'sNext მონაწილეობისთვის რეგისტრაცია შესაძლებელია ბმულზე: http://bit.do/shesnextgeorgia

პროგრამის ფარგლებში თქვენ გეძლევათ შესაძლებლობა მიიღოთ:

• 4 უფასო, ინტერაქტიული, პრაქტიკული და მხოლოდ რეალურ გამოცდილებაზე დაფუძნებული ვებინარი წარმატებულ ქალ ლიდერებთან და სფეროს ექსპერტებთან;
  
• რჩევები წარმატებული ქალი მეწარმეებისგან, სადაც ისინი ისაუბრებენ საკუთარი ბიზნესის განვითარების გზაზე, არსებულ მთავარ გამოწვევებზე და გაგიზიარებენ თავიანთი წარმატების ისტორიას;
  
• ვებინარების ვიდეო ჩანაწერებსა და მასალებზე წვდომა;
  
• პასუხები ვებინარის მომხსენებლებისგან თქვენთვის საინტერესო შეკითხვებზე;
  
• წვდომა მეწარმე ქალთა ჯგუფზე #She’s Next სოციალურ ქსელში;
  
• ტრენინგის წარმატებით დასრულების სერტიფიკატი.
  

• 4 ონლაინ ვებინარი 2020 წლის 7-28 სექტემბრის პერიოდში;
  
• თითოეული ვებინარის ხანგრძლივობა: 2 საათი (წარმატებულ მეწარმე ქალებთან დიალოგისა და კითხვა-პასუხის სესიის ჩათვლით);
  
• ვებინარები ონლაინ რეჟიმში ჩატარდება ZOOM– ის საშუალებით;
  
• პროგრამაში მონაწილეობა შესაძლებელია წინასწარი რეგისტრაციით, ჩვენ გამოგიგზავნით დეტალებს და თითოეული ვებინარის ბმულს, სარეგისტრაციო ფორმაში მითითებულ ელექტრონულ ფოსტაზე.