სპორტს გააჩნია ძალა, შთააგონოს და შეცვალოს მსოფლიო. სპორტულ ღონისძიებებს კი - განსაკუთრებით. როგორც მსოფლიოში უდიდესი სპორტული ღონისძიება, ოლიმპიური და პარალიმპური თამაშები ტოკიო 2020 შექმნის გრძელვადიან დადებით გავლენას არა მხოლოდ სპორტის სფეროზე, არამედ საზოგადოებაზე, ადგილობრივ თემსა და გარემოზე.
წელს, ოლიმპიურ თამაშებს პირველად ხუთი ახალი სპორტის სახეობა ემატება - ბეისბოლი, სკეიტბორდინგი, სერფინგი, სპორტული ცოცვა და კარატე შეუერთდება ოფიციალურ პროგრამასა და კლასიკური სპორტის სახეობებს.
ასევე, ტოკიო 2020 წლის ოლიმპიური თამაშები დიდ გავლენას მოახდენს მდგრადობის ინიციატივებზე, რომლებიც მომავლში ახალ თაობებს გადაეცემა. ზოგიერთი მათგანი ჩამოთვლილია ქვემოთ:
- ოლიმპიური სოფელი აშენდება მდგრადი წყაროების - ხის მასალების გამოყენებით,
- გამარჯვებულების მედლები დამზადდება იაპონელი ხალხის მიერ შემოწირული ძველი ტელეფონების გადამუშავებული ლითონისგან,
- იაპონელ სპორტსმენებს ეცმევათ გადამუშავებული მასალისგან დამზადებული ტანსაცმელი,
- პოდიუმები მთლიანად დამზადდება გადამუშავებული პლასტმასისგან,
- ენერგია 100%-ით განახლებადი იქნება,
- წვიმის წყლის გამოყენება შეამცირებს წყლის ხარჯვას და ა.შ.
მეტი ინფორმაციის მისაღებად ეწვიეთ olympics.com-ს