Visa-ს გლობალური შეტყობინება კონფიდენციალურობის შესახებ

ჩვენსა და თქვენ შორის ურთიერთობისა და ინტერაქციის მიხედვით, ჩვენ მიერ მოგროვებული პირადი ინფორმაცია შესაძლოა მოიცავდეს შემდეგს:

• საკონტაქტო ინფორმაცია — მოიცავს თქვენს სახელს, მომხმარებლის სახელს, საფოსტო მისამართს, ელფოსტის მისამართს, ტელეფონის ნომერს, მობილური ტელეფონის ნომერს, სოციალური მედიის პროფილის სახელს სხვა პირად იდენტიფიკატორებთან ერთად. ეს შეიძლება ასევე მოიცავდეს ინდივიდუალური მეწარმეების საკონტაქტო ინფორმაციას, ასევე იურიდიული პირების ან ბიზნესის საკონტაქტო მონაცემებს
• ტრანზაქციებისა და ფინანსური ინფორმაცია მოიცავს შემდეგს:
  • ინფორმაცია თქვენი ბარათის შესახებ, მათ შორის, ბარათის 16-ნიშნა ნომერი, რომელიც ასევე ცნობილია, როგორც ძირითადი ანგარიშის ნომერი ან „PAN“; დაკავშირებული არაფინანსური იდენტიფიკატორი, გადახდების ანგარიშის საცნობარო ნომერი ან „PAR“ token; მოქმედების ვადა, სერვისის კოდი, PIN damowmebis კოდი, CVV კოდი; და
  • ინფორმაცია თქვენი ტრანზაქციების შესახებ, მათ შორის, ტრანზაქციის დრო, თარიღი, მდებარეობა და ოდენობა, მოვაჭრის შესახებ ინფორმაცია. ზოგიერთ შემთხვევაში, ეს ასევე შეიძლება მოიცავდეს თითოეული საგნის დონის მონაცემებს.
• ურთიერთობების შესახებ ინფორმაცია — მოიცავს ინფორმაციას თქვენი საყიდლებისა და გადახდების უპირატესობების შესახებ და სხვა ინფორმაციას, რომელიც დაგვეხმარება თქვენთვის პერსონალიზებული შიგთავსის შეთავაზებაში, მაგალითად:
  • დემოგრაფიული ინფორმაცია, მაგალითად, ასაკობრივი ჯგუფები, ოჯახური სტატუსი;
  • თქვენ მიერ კონკრეტული შესყიდვის ან ცხოვრებისეული მოვლენებით სარგებლობის ალბათობა; და
  • სოციალური მედიის პროფილებიდან მონაცემები და ინფორმაცია თქვენი ინტერესების შესახებ.
• ინტერაქციის შესახებ ინფორმაცია — მოიცავს თქვენს Visa-სთან ინტერაქციის ინფორმაციას, მათ შორის:
  • თქვენ მიერ აქციებსა და პროგრამებში მონაწილეობისას შეგროვებულ ინფორმაციას (მაგალითად, დაჯილდოების პროგრამის ინფორმაცია ანგარიშის შესახებ);
  • ბარათის უპირატესობების პროგრამის ინფორმაცია, მათ შორის, საკვალიფიკაციო მონაცემები და დაკავშირებული ჩანაწერები;
  • ინფორმაცია, რომელიც ჩვენთან დაკავშირებისას შეგროვდა, მაგალითად, მომხმარებელთა მხარდაჭერის სამსახურის მეშვეობით;
  • ვიზიტორთა ჟურნალები;
  • Visa-ს მიერ დაფინანსებულ ღონისძიებებზე დასწრებისას შეგროვებული ინფორმაცია, მაგალითად, მოგზაურობასთან დაკავშირებული ინფორმაცია თქვენთვის და ნებისმიერი თანმხლები პირებისთვის; და
  • სხვა ინფორმაცია, რომელსაც მოგვაწვდით, მაგალითად, მომხმარებლის ავთენტიფიკაციის მიზნით (პაროლი, ანგარიშის უსაფრთხოების შეკითხვები).
• ბიომეტრიული იდენტიფიკატორები — ეს შეიძლება მოიცავდეს სახის ამოცნობის მონაცემებს, თითის ანაბეჭდებს, კლავიშებზე დაჭერის დროებს, გადაადგილების პოზიციას და ქცევის ან სხვა ფიზიკური პატერნების მონაცემებს, როგორებიცაა, Visa-სთან ან მის კლიენტებთან ბიომეტრიული ავტორიზაციის გავლის დროს შეგროვებული მონაცემები.
• ბიზნეს კლიენტის მონაცემები — მოიცავს ინფორმაციას თქვენს კომპანიაში თქვენი როლის შესახებ, პროდუქტებისა და სერვისების გამოყენების ავტორიზაციას და თქვენს მიერ შეკვეთების განთავსების უფლებას; კლიენტის/მიმწოდებლის საკვალიფიკაციო დეტალებს; და სხვა მონაცემებს, რომელსაც გაგვიზიარებთ ჩვენთან ურთიერთობისას.
• დასკვნითი და წარმოებული ინფორმაცია — ჩვენ ვქმნით დასკვნებს და წარმოვქმნით მონაცემთა ელემენტებს ჩვენი ურთიერთობებისა და ტრანზაქციული ინფორმაციის ანალიზის საფუძველზე. მაგალითად, ჩვენ შეგვიძლია, დავაგენერიროთ განწყობის, თვისებების და ქულების მონაცემები მარკეტინგის, უსაფრთხოებისა და თაღლითობასთან ბრძოლის მიზნებისთვის.
• ონლაინ და ტექნიკური ინფორმაცია — მოიცავს ვებსაიტებთან, აპლიკაციებთან და რეკლამებთან თქვენი ინტერაქციის ინფორმაციას, მათ შორის, IP მისამართს, მოწყობილობის იდენტიფიკატორებს, პარამეტრებს, მახასიათებლებს, რეკლამის ID-ს, დათვალიერების ისტორიას, ვებ-სერვების ჟურნალებს, სერვერის ჟურნალის ჩანაწერებს, აქტივობის ჟურნალის ჩანაწერებს, კლავიშების გამოყენების დროებს და სხვა ინფორმაციას, რომლებიც Cookie ფაილებითა და მსგავსი ტექნოლოგიების გამოყენებით შეგროვდება.
• აუდიო და ვიზუალური ინფორმაცია — აუდიო, ელექტრონული, ვიზუალური ან მსგავსი ინფორმაცია, რომელიც დაკავშირებულია თქვენს ჩვენთან ინტერაქციასთან და მოიცავს ფოტოებს, ვიდეო სურათებს, CCTV კამერების ჩანაწერებს, ქოლ ცენტრის ჩანაწერებს, ზარების მონიტორინგის ჩანაწერებს და ხმოვან ფოსტას.
• ოფიციალური საიდენტიფიკაციო ნომრები — სოციალური უსაფრთხოების ნომერი, მართვის მოწმობის ნომერი, პასპორტის ნომერი და სხვა ოფიციალური დოკუმენტების იდენტიფიკატორები.
• გეოლოკაციის ინფორმაცია — გეოლოკაციის ზუსტი ინფორმაცია, რომელიც შესაძლოა თქვენი მობილური მოწყობილობიდან ავტომატურად შევაგროვოთ, თუ ნებას დაგვრთავთ მის შეგროვებაზე.
• პროფესიული და დასაქმებასთან დაკავშირებული ინფორმაცია — ეს მოიცავს თანამშრომლებისა და პოტენციური თანამშრომლების შესახებ პროფესიულ და დასაქმებასთან დაკავშირებულ მონაცემებს, მათ შორის განაცხადისა და რეზიუმეს დეტალებს, როგორიცაა განათლება და სამუშაო გამოცდილება, აგრეთვე ინფორმაციას შესაბამისი თანამდებობისთვის კვალიფიკაციის შესახებ, როგორიცაა უნარები და სერთიფიკატები. პროფესიული ინტერესები და მიზნები; თანამშრომელთა კვალიფიკაციასთან დაკავშირებული შეგროვებული ინფორმაცია, მათ შორის სამუშაოს შესრულების უფლების დამადასტურებელი დოკუმენტაცია; ასევე რეკომენდაციები
• შესაბამისობის მონაცემები — მოქმედ კანონმდებლობასთან შესაბამისობის დამადასტურებელი ჩანაწერები; მომხმარებლის უპირატესი პარამეტრების ჩანაწერები, მაგალითად, თქვენი არჩევანი (თანხმობა ან უარყოფა) მარკეტინგული პროგრამების თაობაზე; უფლების სარგებლობის მოთხოვნებთან დაკავშირებული ჩანაწერები.

პირადი ინფორმაციის გარკვეული ნაწილი შესაძლოა მიიჩნეოდეს სენსიტიურ ინფორმაციად ზოგიერთ იურისდიქციაში.

პირადი ინფორმაცია თქვენგან შესაძლოა სხვადასხვა წყაროებით შევაგროვოთ, რაც დამოკიდებულია ჩვენსა და თქვენ შორის ურთიერთობასა და ინტერაქციაზე. წყაროები მოიცავს შემდეგს:

• თქვენი ფინანსური ინსტიტუტები, გადახდის ბარათის გამცემი, გამყიდველი, მყიდველი და სხვა პარტნიორი, როცა Visa-ს ბრენდის გადახდის პროდუქტს იყენებთ, ან ჩვენ ვმოქმედებთ მათი სახელით, მაგალითად, როცა Visa ბარათს შეხებით იყენებთ;
• თქვენ, როცა ერთვებით ბარათის ბმულით Visa-ს ან სხვა პარტნიორის შეთავაზების პროგრამაში, ასევე ერთვებით Visa-ს დაწკაპუნებით გადახდის სერვისში, ან მონაწილეობთ გამოკითხვაში;
• თქვენი კომპიუტერი ან მოწყობილობები, როცა ჩვენს პლატფორმებს, ვებსაიტებს და აპლიკაციებს იყენებთ ან სხვა ავტომატური ტექნოლოგიების გამოყენებისას, მაგალითად, როცა ჩვენ ვაწარმოებთ ზარების ჩაწერას ქოლ ცენტრში ან ვიყენებთ CCTV კამერებს ჩვენს ოფისებში; და
• სხვა მესამე მხარეები, მათ შორის, მონაცემთა შემკრებები, სოციალური მედიის კომპანიები და საჯაროდ ხელმისაწვდომი სხვა წყაროები. დამატებით, პროფესიული და დასაქმების ინფორმაცია შესაძლოა შეგროვდეს თქვენი რეკომენდაციებიდან და მესამე მხარიდან, რომლებიც გვეხმარება შიდა კვლევებსა და გამოცდილების შემოწმებებში, ხოლო ბიზნესის მონაცემები შესაძლოა შეგროვდეს თქვენი დამსაქმებლისგან, სავაჭრო ფორუმისა და კონფერენციის ორგანიზატორისგან და პროფესიული სერვისების პროვაიდერი კომპანიებისგან.

„ყოველდღიური ბიზნეს მიზნები“ მოიცავს შემდეგ ბიზნეს და დაკავშირებულ მიზნებს, რომელთათვისაც პირადი ინფორმაციის გამოყენება შეიძლება დაგვჭირდეს:

• ფიზიკური პირის მიერ მოთხოვნილი ინფორმაციის, პროდუქტის ან სერვისის მიწოდებისთვის, იმ კონტექსტის გათვალისწინებით რისთვისაც მოხდა პირადი ინფორმაციის შეგროვება (მაგალითად, კლიენტის ავტორიზაციის მონაცემების უზრუნველყოფა, კლიენტის მხარდაჭერის სამსახური, პერსონალიზაცია და უპირატესობების მართვა, პროდუქტის განახლებების მიწოდება, ხარვეზების აღმოფხვრა ან გამოხმობა, დავების გადაწყვეტა);
• ვინაობისა და ავტორიზაციის მონაცემების მართვა, მათ შორის, ვინაობის დამოწმება და ავთენტიფიკაცია, სისტემისა და ტექნოლოგიის ადმინისტრირება;
• სისტემების, ქსელების, აპლიკაციებისა და მონაცემების უსაფრთხოებისა და მთლიანობის დაცვა, მათ შორის, უსაფრთხოების საკითხების აღმოჩენა, ანალიზი და გადაჭრა, კიბერუსაფრთხოების ცენტრებთან, კონსორციუმებთან და სამართალდამცავ ორგანოებთან ურთიერთობა მყისიერი საფრთხის არსებობის შემთხვევაში;
• თაღლითობის აღმოჩენა და პრევენცია;
• სამართლებრივი და მარეგულირებელი შესაბამისობისთვის, პირადი ინფორმაციის ნებისმიერი გამოყენება და გამჟღავნება, რომელიც მოითხოვება კანონით ან საჭიროა კომპანიის წესებთან და პროცედურებთან შესაბამისობისთვის, მაგალითად, ფულის გათეთრების საწინააღმდეგო პროგრამები, უსაფრთხოებისა და ინციდენტებზე რეაგირების პროგრამები, ინტელექტუალური საკუთრების დაცვის პროგრამები, კორპორაციული ეთიკისა და შესაბამისობის ცხელი ხაზები;
• კორპორატიული აუდიტისთვის, მართვის, ფინანსური ანალიზისთვის და რეპორტინგისთვის;
• ჩვენი კონტრაქტების აღსრულებისა და დაზიანების, ქურდობის, იურიდიული პასუხისმგებლობის, თაღლითობის ან არასწორი გამოყენების, ადამიანთა და საკუთრების დაცვის, მათ შორის, უსაფრთხოების პროგრამებისთვის;
• მონაცემების დეიდენტიფიცირების, დეპერსონალიზების ან ანონიმურობის დაცვისთვის, ან საერთო მონაცემთა ნაკრებების შექმნისთვის, მაგალითად, კონსოლიდირებული ანგარიშგების, კვლევისა და ანალიზისთვის;
• სარეზერვო ასლების შექმნისთვის ბიზნესის განგრძობადობისა და სტიქიური უბედურებებისგან მიყენებული ზიანის ანაზღაურების მიზნებისთვის; და
• კორპორაციული მართვის, მათ შორის, შერწყმების, შესყიდვების და კაპიტალდაბანდებების ამოღებისთვის.

შესაძლოა, თქვენი პირადი ინფორმაცია გავუმჟღავნოთ:

• ჩვენი შვილობილი კომპანიები;
• ჩვენი სერვისის პროვაიდერები, თქვენთვის სერვისების მიწოდების მიზნით;
• ფინანსური ინსტიტუტები, სავაჭრო ობიექტები, გადახდების დამუშვებაზე პასუხისმგებელი პირები და სხვა მესამე მხარეები, რომლებიც ექვემდებარება კონფიდენციალურობასა და გამოყენების შეზღუდვებს თქვენი გადახდების განხორციელების უზრუნველყოფის, თაღლითობისა და რისკის მართვის, პროდუქტებისა და სერვისების მიწოდების და განვითარებისა და ჩვენი ყოველდღიური ბიზნეს მიზნების მხარდაჭერის მიზნით;
• მესამე მხარეები, რომლებიც გვეხმარებიან თაღლითობის აღმოჩენასა და აღკვეთაში. მესამე მხარის თაღლითობის პრევენციის სერვისების მომწოდებლები, რომლებსაც ვიყენებთ თაღლითური ტრანზაქციების გამოვლენისა და პრევენციის მიზნით. ისინი დამოუკიდებელი პასუხისმგებელი პირები (data controllers) არიან თქვენი პერსონალური მონაცემების მიმართ და იყენებენ მას მათ მიერ მოწოდებულ კონფიდენციალურობის პოლიტიკაში მითითებული მიზნებისთვის.
• მესამე მხარეები, მაგალითად, მესამე მხარის სარეკლამო პარტნიორები, რომლებმაც შესაძლოა გამოიყენონ Cookie ფაილების და მსგავსი წყაროებისგან შეგროვებული მონაცემები, რაც გვეხმარება ჩვენი ონლაინ სარეკლამო პროგრამებში;
• სამთავრობო უწყებები;
• რეკრუტინგის სააგენტოები და თქვენი რეკომენდატორები (პროფესიული და დასაქმების ინფორმაციისთვის); და
• თქვენი კომპანია და მისი შვილობილი კომპანიები (ბიზნეს მომხმარებლის მონაცემებისთვის).

ჩვენ შესაძლოა გავამჟღავნოთ პერსონალური ინფორმაცია, როცა ამას კანონი მოგვთხოვს, მაგალითად, გავუმჟღავნოთ ის სამართალდამცავ ორგანოებს, მარეგულირებელ ორგანოებს ან სასამართლოებს; ასევე, კანონიერად გავამჟღავნოთ ის ბიზნეს აქტივების გაყიდვის ან გადაცემის დროს, ჩვენი კონტრაქტების აღსრულებისას, ჩვენი საკუთრებისა და სხვისი უფლების, საკუთრების თუ უსაფრთხოების დაცვის მიზნით, ან აუდიტის, შესაბამისობის და კორპორაციული მართვის მოთხოვნებისთვის.

ზოგიერთ ქვეყანაში Visa Click to Pay უზრუნველყოფს მარტივ, თანმიმდევრულ და უსაფრთხო ონლაინ გადახდის საშუალებას. ეს ფუნქცია შეიძლება შემოგთავაზოთ პირდაპირ Visa-მ ან თქვენი ბარათის გამცემმა (ემიტენტმა), როგორც ბარათთან დაკავშირებული სერვისი.

თუ თქვენი გამცემი ბანკი გთავაზობთ ამ მომსახურებას საკუთარი წესებისა და პირობების შესაბამისად, დამატებითი ინფორმაციისთვის გთხოვთ, გაეცნოთ მის კონფიდენციალურობის პოლიტიკას.

თუ Visa გთავაზობთ ამ მომსახურებას, თქვენ მიიღებთ Visa-ს მომსახურების პირობებს. ასევე, ნებისმიერ დროს შეგიძლიათ თქვენს პროფილზე წვდომა Visa Click to Pay-ის მომხმარებელთა პორტალზე.