Visa-ს გლობალური შეტყობინება კონფიდენციალურობის შესახებ

პირადი ინფორმაცია წარმოადგენს ნებისმიერი სახის ინფორმაციას, რომლის გამოყენებაც შეგვიძლია თქვენი იდენტიფიკაციისთვის, ადგილმდებარეობის გასაგებად, ან თქვენთან დასაკავშირებლად სხვა თანმდევ ინფორმაციასთან ერთად. ის ასევე მოიცავს სხვა ინფორმაციას, რომელიც შეიძლება უკავშირდებოდეს თქვენს პირად ინფორმაციას. ჩვენ ვაგროვებთ პირადი ინფორმაციის რამდენიმე ტიპს, რომლებშიც შედის:

• ბარათის ტრანსაქციების მონაცემები, რომლებიც საშუალებას გვაძლევს, ვმართოთ VisaNet, ჩვენი ელექტრონული გადახდების ქსელები და მოგაწოდოთ გადახდის სერვისები. Visa ბარათის (ან გადახდის სხვა პროდუქტის) გამოყენებისას ჩვენ ვიღებთ თარიღს, დროს, ადგილმდებარეობას და ტრანსაქციის ოდენობასა და ინფორმაციას სავაჭრო ობიექტის შესახებ. შესაძლოა, ჩვენ მივიღოთ სხვა ფინანსური ინფორმაცია ტრანსაქციების დამუშავებისას და ჩვენი კლიენტებისთვის მომსახურების გაწევისას. მაგალითად, როცა რეგისტრირდებით და იყენებთ Visa-ს უსაფრთხო სალაროს გადაწყვეტას (როგორიცაა Visa), ჩვენ ასევე შეიძლება შევაგროვოთ თქვენ მიერ ყიდვისთვის გამოყენებული გადახდის ბარათის შესახებ დამატებითი ინფორმაცია, როგორიცაა ვადის გასვლის თარიღი და უსაფრთხოების კოდი (მაგ., თქვენი გადახდის ბარათის CVV2 კოდი) და თქვენი საანგარიშსწორებო მისამართი.
• საკონტაქტო ინფორმაცია, რომელიც თქვენთან კომუნიკაციის საშუალებას გვაძლევს, მაგალითად: თქვენი სახელი, მომხმარებლის სახელი, საფოსტო მისამართი, ტელეფონის ნომერი, ელექტრონული ფოსტის მისამართი, ან სოციალურ მედიაში არსებული პროფილების სახელები.
• ურთიერთობების შესახებ ინფორმაცია, რომელიც თქვენთან საქმიან ურთიერთობაში გვეხმარება, მაგალითად: ყიდვისა და გადახდის თქვენთვის სასურველი გზები და სხვა ინფორმაცია, რომელიც გვეხმარება უკეთ გაგიგოთ და შემოგთავაზოთ ინდივიდუალური მასალა.
• ინფორმაცია თქვენი Visa-სთან კავშირის შესახებ, მაგალითად, მონაცემები, რომლებსაც ვაგროვებთ, როდესაც თქვენ:
  • იყენებთ ჩვენს პროდუქტებს, სერვისებს, ვებსაიტებს ან აპებს, ქუქი-ფაილებისა და სხვა ტექნოლოგიების გამოყენებით შეგროვებული ინფორმაციის ჩათვლით
  • ამყარებთ ჩვენთან კომუნიკაციას, მაგალითად, როცა უკავშირდებით ჩვენს მომხმარებელთა მხარდაჭერის ცენტრებს, ხარისხის გასაუმჯობესებლად და გადამზადების მიზნებისთვის ზარების ჩაწერის ჩათვლით
  • მონაწილეობთ აქციებში ან პროგრამებში
  • თანხმობას აცხადებთ ან უარს ამბობთ მარკეტინგზე ან სარგებლობთ თქვენი სხვა არჩევანით

ბარათის ტრანსაქციების მონაცემებს და სხვა ფინანსურ ინფორმაციას ვიღებთ თქვენი გადახდის ბარათის ემიტენტისგან და სავაჭრო ობიექტებისგან, ეკვაიერებისგან და სხვა მესამე მხარეებისგან ყოველთვის, როცა Visa-ს ბრენდის მქონე გადახდის პროდუქტს იყენებთ. შესაძლოა, დამატებითი ინფორმაცია მივიღოთ მესამე მხარის ციფრული საფულეებისგან და სავაჭრო ობიექტებისგან, როცა თქვენ ონლაინ ყიდულობთ, ან ჩვენი კლიენტებისგან, როცა ჩვენ მათ მომსახურებას ვუწევთ.

პირად ინფორმაციას ვაგროვებთ, როცა თქვენ რეგისტრირდებით შემოთავაზებებზე ან ლოიალობის პროგრამებზე ჩვენს შვილობილებთან ან კლიენტებთან. მაგალითად, თუ თქვენ თანხმობას განაცხადებთ ქეშბექის მიღებაზე ან ბარათთან დაკავშირებულ შემოთავაზებებზე, ჩვენ ბარათის ტრანსაქციების მონაცემებს და სხვა პირად ინფორმაციას დავამუშავებთ, რათა თქვენ გქონდეთ ქულებისა და ბონუსების მიღების საშუალება.

პირადი ინფორმაცია, შესაძლოა, პირდაპირ თქვენგან შევაგროვოთ. მაგალითად, შესაძლოა, თქვენ დაგვიკავშირდეთ, დარეგისტრირდეთ აქციაში, გამოხატოთ ჩვენგან შეტყობინებების მიღების სურვილი ან ჩაერთოთ გადახდის ბიომეტრიულ პროგრამებში ან უსაფრთხო სალაროს პროგრამებში (როგორიცაა Visa).

თქვენს პირად ინფორმაციას ვიყენებთ იმისათვის, რომ:

• იმუშაოს Visa-ს ელექრონული გადახდების ქსელებმა, შესაძლებელი იყოს თქვენი საგადახდო ტრანსაქციების შესრულება და მიღწეულ იქნას ისეთი მიზნები, როგორიცაა ავთენტიკაცია, დავების გადაწყვეტა, თაღლითობის პრევენცია და უსაფრთხოება.
• მოგაწოდოთ პროდუქტები, სერვისები, პროგრამები, შემოთავაზებები ან ინფორმაცია, რომელთაც Visa-სგან ითხოვთ და შესრულდეს ისეთი მიზნები, როგორიცაა მისაღებობის განსაზღვრა და მომხმარებელთა მხარდაჭერა.
• მივაწოდოთ კლიენტებს მომსახურება. მაგალითად, თუ ბარათის ემიტენტის ან სავაჭრო ობიექტის ლოიალობის პროგრამაში ჩაერთვებით, ჩვენ დავამუშავებთ ბარათის ტრანსაქციების მონაცემებს, რათა გამოვთვალოთ თქვენი ბონუსები და სამიზნე ჯგუფისთვის განკუთვნილი შემოთავაზებები მოგაწოდოთ კლიენტისგან.
• იმუშაოს Visa-ს უსაფრთხო დისტანციური კომერციის გადაწყვეტამ ( Visa), რაშიც შედის თქვენი ჩართვა ამ გადაწყვეტაში, თქვენთვის საშუალების მოცემა, რომ თქვენი მოწყობილობიდან შესული დარჩეთ სისტემაში (არჩევის შემთხვევაში), თქვენთვის შესაძლებლობის მოცემა, რომ ამ გადაწყვეტით შეასრულოთ გადახდა, სხვა ციფრულ საფულეებთან ინტეგრაცია (არჩევის შემთხვევაში) და თქვენ მიერ გადაწყვეტის გამოყენებასთან დაკავშირებულ პროგრამებში მონაწილეობა.
• ჩავატაროთ გამოკითხვები, ლოიალობის პროგრამები, გათამაშებები, კონკურსები და ღონისძიებები.
• თქვენს არჩევანზე დაყრდნობით მოგაწოდოთ მარკეტინგული კომუნიკაციები, ინდივიდუალური შემოთავაზებები და თქვენი ინტერესების შესაბამისი რეკლამები.
• გავიგოთ, როგორ იყენებთ თქვენ და სხვები ჩვენს პროდუქტებს, რათა შევადგინოთ ანალიტიკა და მოდელები, მივიღოთ ინფორმაცია და მასალები ბიზნესის შესახებ და გავიგოთ ეკონომიკური ტენდენციები.
• შევადგინოთ მონაცემთა დეპერსონიფიცირებული, დეიდენტიფიცირებული, ანონიმური ან აგრეგირებული სერიები, რომლებიც გამოიყენება პროდუქტის განვითარებისთვის და კლიენტებისათვის საკონსულტაციო სერვისების მიწოდებისათვის.
• ვმართოთ ჩვენი ყოველდღიური ბიზნესმიზნები, მაგალითად, ჩვენი ანგარიშის სამართავად, ხარისხის კონტროლისთვის, ვებსაიტის ადმინისტრირებისთვის, ბიზნესის შეუფერხებელი ფუნქციონირებისთვის და უბედური შემთხვევით მიღებული ზარალის ანაზღაურებისთვის, უსაფრთხოებისთვის და თაღლითობის პრევენციისთვის, კორპორაციული მართვისთვის, ანგარიშგებისთვის და იურიდიული შესაბამისობის უზრუნველსაყოფად.

გაითვალისწინეთ, რომ ჩვენ ასევე შეიძლება გამოვიყენოთ და გავამჟღავნოთ თქვენ შესახებ ისეთი ინფორმაცია, რომელიც არ არის ინდივიდუალურად იდენტიფიცირებადი. მაგალითად, შესაძლოა, ჩვენ გამოვაქვეყნოთ ანგარიშები, რომლებიც შეიცავს აგრეგირებულ ან სტატისტიკურ მონაცემებს, როგორიცაა ანგარიშები, რომლებიც ასახავს გადახდის ბარათების გამოყენების ზოგად ტენდენციებს. ეს ანგარიშები არ შეიცავს პირად ინფორმაციას.

² ეს მოიცავს მონაცემთა დამუშავების ძირითად კომპონენტებს, როგორიცაა ავტორიზაცია, გაწმენდა, ტრანსაქციების შესრულება და ტოკენიზაცია.

ზოგიერთ ქვეყანაში Visa აფართოებს საბარათე ტრანსაქციების მონაცემებს და მათგან ქმნის მონაცემთა პროდუქტებს, რომელთაც შემდეგ კომპანიები იყენებენ თავიანთი მარკეტინგული პროგრამების გასაუმჯობესებლად და დაინტერესებული მომხმარებლების აღმოსაჩენად. ეს პროდუქტები არ შეიცავს პირად ინფორმაციას, თუმცა ისინი იძლევა აგრეგირებულ ანალიტიკურ ინფორმაციას, რომელიც სამიზნე ჯგუფებისთვის განკუთვნილი მარკეტინგისთვის გამოიყენება. თუ არ გსურთ, რომ თქვენი საბარათე ტრანსაქციების მონაცემები გამოვიყენოთ ამ პროდუქტების შესაქმნელად, აქ დააწკაპუნეთ უარის განსაცხადებლად.

შესაძლოა, თქვენი პირადი ინფორმაცია გავუმჟღავნოთ:

• თქვენი Visa ბარათის (ან საგადახდო პროდუქტის) ემიტენტს
• სავაჭრო ობიექტებს, ფინანსურ ინსტიტუტებს და მესამე მხარეებს საჭიროებისამებრ, რათა შესაძლებელი იყოს თქვენი გადახდების შესრულება და ჩვენი გადახდის ქსელის ფუნქციონირება, ხელი შევუწყოთ Visa-ს უსაფრთხო სალაროს გადაწყვეტას (თუ მსგავსი რამ მართებულია), გავუმკლავდეთ თაღლითობას, შევძლოთ შესაბამისობისა და საჩივრების მართვა და სხვა მგავსი მიზნებისთვის (როგორიცაა საკამათო ხარჯების გამოძიება)
  
• ჩვენს შვილობილ კომპანიებს, რომლებმაც თქვენი ინფორმაცია შეიძლება გამოიყენონ მხოლოდ ამ შეტყობინებაში გაწერილი მიზნებისთვის და
• სერვისების მომწოდებლებს, რომლებიც თქვენს ინფორმაციას იყენებენ ჩვენთვის სერვისების მოსაწოდებლად და რომელთაც მისი დაცვა მოეთხოვებათ

თქვენი თანხმობით, შესაძლოა, თქვენი ინფორმაცია გავუმჟღავნოთ სავაჭრო ობიექტებს, წახალისების ქსელებს და სხვა პარტნიორებს, მაგალითად, როცა თქვენ აცხადებთ თანხმობას ერთობლივი ბრენდის მქონე ან მარკეტინგულ პროგრამაში ჩართვაზე.  ზოგიერთ შემთხვევაში Visa ფუნქციონირებს როგორც მომსახურების მიმწოდებელი იმ კომპანიებისთვის, რომელთაც აქვთ ქეშბექის და საბონუსე პროგრამები და შესაძლოა, ამ კომპანიებს თქვენ შესახებ და თქვენი ტრანსაქციების შესახებ ინფორმაცია გავუმჟღავნოთ თქვენ მიერ მათდამი განცხადებულ თანხმობაზე დაყრდნობით, რაც მათ საშუალებას აძლევს, რომ ბონუსები მოგაწოდოთ.  მაგალითად, თუ თქვენ გამოიწერთ შემოთავაზებებს სამოგზაურო სფეროში მომუშავე პარტნიორისგან Visa-ს მეშვეობით, შესაძლოა, თქვენი პირადი ინფორმაცია საჭიროებისამებრ გავუზიაროთ აღნიშნულ პარტნიორს, როგორც ამას მოითხოვს პროგრამის ფუნქციონირება, რეფერალების შემოწმება და აქციების წარმატებულობის შეფასება.

თქვენი ინფორმაცია, შესაძლოა, გავუზიაროთ კანონით ნებადართულ სხვა მესამე მხარეებს, მაგალითად, როცა ვყიდით ან გადაგვაქვს ბიზნესაქტივები, უზრუნველვყოფთ კონტრაქტების შესრულებას, ვიცავთ ჩვენს საკუთრებას ან უფლებებს, სხვების საკუთრებას ან უსაფრთხოებას ან როგორც ამას აუდიტი, შესაბამისობა და კორპორაციული მართვა მოითხოვს.

პირად ინფორმაციას გავუმჟღავნებთ, მათ შორის, სამართალდამცავ ორგანოებს, მარეგულირებლებს და სასამართლოებს ამერიკის შეერთებულ შტატებში და სხვა ქვეყნებში, სადაც ვფუნქციონირებთ, როცა ამას კანონი მოითხოვს, მაგალითად, სასამართლოში გამოცხადების შესახებ უწყებაზე საპასუხოდ.

როცა თქვენ სტუმრობთ ჩვენს ვებსაიტს, იყენებთ ჩვენს მობილურ აპლიკაციებს, ან რეაგირებთ ჩვენს ელწერილებსა და ონლაინრეკლამებზე, შესაძლოა, ჩვენ შევაგროვოთ ინფორმაცია ავტომატიზებული გზებით, ისეთი ტექნოლოგიების გამოყენებით, როგორიცაა: ქუქი-ფაილები, პიქსელური ტეგები, ბრაუზერის ანალიზის ინსტრუმენტები, სერვერის ჟურნალები და ვებ-შუქურები.

ზოგიერთ შემთხვევაში ჩვენ მიერ შეგროვებული ინფორმაცია მხოლოდ არაიდენტიფიცირებადი სახით გამოიყენება. მაგალითად, ჩვენი ვებსაიტების ოპტიმიზაციისთვის და ვებსაიტის ვიზიტორთა სტატისტიკური ანალიზისთვის ვიყენებთ ინფორმაციას, რომელსაც ვებსაიტის ყველა მომხმარებლის შესახებ ვაგროვებთ. ამ ინფორმაციას არ ვიყენებთ თქვენი პროფილის შესაქმნელად ან ჩვენი რეკლამების სამიზნე ჯგუფებზე მორგებისთვის.

სხვა შემთხვევებში, შესაძლოა, ეს ინფორმაცია იდენტიფიცირებადი სახით გამოვიყენოთ. მაგალითად, შესაძლოა, მოვახდინოთ თქვენი ან თქვენი მოწყობილობის ავთენტიკაცია, მოგაწოდოთ ინდივიდუალური მასალა ან ეს ინფორმაცია გამოვიყენოთ ანალიტიკისთვის, თაღლითობის აღმოჩენისთვის და უსაფრთხოებისთვის. ასევე, შესაძლოა, ეს ინფორმაცია გამოვიყენოთ ონლაინრეკლამების სამიზნე ჯგუფებზე მორგებისთვის. ჩვენი შეტყობინება ქუქი-ფაილების შესახებ მეტ ინფორმაციას იძლევა თქვენს არჩევანზე და ჩვენ მიერ მონაცემთა ონლაინშეგროვებისთვის გამოყენებულ ტექნოლოგიებზე.

როგორც ეს აღწერილი არის ქუქი-ფაილების შესახებ შეტყობინებაში, ურთიერთობები გვაქვს მესამე მხარის სარეკლამო კომპანიებთან. სხვადასხვა ვებსაიტებზე და აპლიკაციებში, შესაძლოა, ამ მესამე მხარეების თვალის მიდევნების ობიექტი იყოთ თქვენ, თქვენი ბრაუზერი ან თქვენი მოწყობილობა. თქვენ მიერ დაყენებული პარამეტრების გათვალისწინებით, შესაძლოა, თქვენს კომპიუტერში მოვათავსოთ ქუქი-ფაილები ან ტეგები, როცა ჩვენს საიტს ესტუმრებით, რათა სამიზნე ჯგუფებზე მორგებული რეკლამები მოგაწოდოთ სხვა ვებსაიტებზე. ამ კომპანიების მიერ თქვენი მონაცემების გამოყენებაზე ვრცელდება მათივე წესები კონფიდენციალურობის შესახებ.

Visa-ს ბევრი ვებსაიტი მხოლოდ მარკეტინგთან, ინდივიდუალიზაციასთან და რეკლამასთან დაკავშირებულ ქუქი-ფაილებს იყენებს, თუ თქვენ მკაფიოდ გამოხატავთ თანხმობას ამ ქუქი-ფაილების მიღებაზე და დააწკაპუნებთ „ყველა ქუქი-ფაილის მიღებაზე“, როცა პირველად ესტუმრებით ვებსაიტს. ჩვენი შეტყობინება ქუქი-ფაილების შესახებ განმარტავს, როგორ უნდა მართოთ თქვენ მიერ არჩეული პარამეტრები და როგორ უნდა გათიშოთ უკვე მიღებული ქუქი-ფაილები.

ჩვენმა ვებსაიტებმა, შესაძლოა, ჩვენთან და სხვებთან კომუნიკაციის საშუალება მოგცეთ სოციალური მედიის პლატფორმების საშუალებით. ამ პლატფორმებისგან ინფორმაციას ვაგროვებთ, როგორც ამას აღნიშნული საიტების იურიდიული პირობები ითვალისწინებს. ასევე, შესაძლოა, ჩვენ მოგაწოდოთ თქვენს ინტერესებზე მორგებული რეკლამები, როცა ამ პლატფორმებს გამოიყენებთ. ეს პლატფორმები თქვენთვის საჩვენებელი რეკლამის ინდივიდუალიზაციის საშუალებას გვაძლევს. მათ კი, შესაძლოა, ანალიტიკური ინფორმაცია მიიღონ ჩვენ მიერ მიწოდებულ რეკლამებზე რეაქციის მქონე პიროვნებების შესახებ.

ჩვენი მობილური აპლიკაციების გადმოწერის შემდეგ თქვენ შეგიძლიათ მოგვცეთ უფლება, მობილური მოწყობილობიდან გავიგოთ თქვენი ზუსტი ადგილმდებარეობა. ამ ინფორმაციას ვიყენებთ ანალიტიკისთვის და თქვენთვის ინდივიდუალური მასალის მოსაწოდებლად.  შესაძლოა, ჩვენ ასევე შემოგთავაზოთ ავტომატური (იგივე „პუშ“) შეტყობინებები. პუშ-შეტყობინებებს გამოგიგზავნით მხოლოდ იმ შემთხვევაში, თუ მათ მიღებაზე თანხმობას განაცხადებთ. თქვენ არ მოგიწევთ ადგილმდებარეობის შესახებ ინფორმაციის მიწოდება, ან პუშ-შეტყობინებების ჩართვა ჩვენი მობილური აპების გამოსაყენებლად.

Visa გთავაზობთ თქვენი ინფორმაციის გამოყენების ფართო არჩევანს. ჩვენ ასევე გთავაზობთ თქვენთან კომუნიკაციის გზების არჩევანსაც. ჩვენი კონფიდენციალურობის ცენტრი განმარტავს, როგორ უნდა ისარგებლოთ ამ არჩევანით.

ჩვენ პატივს ვცემთ თქვენს უფლებას, გქონდეთ წვდომა და შეცვალოთ თქვენი ინფორმაცია და მოითხოვოთ ჩვენგან თქვენი ინფორმაციის წაშლა, თუ ის უკვე არ გვჭირდება ბიზნესის მიზნისთვის. თუ გაქვთ ონლაინ ანგარიში Visa-სთან, შეგიძლიათ შეხვიდეთ საკუთარ ანგარიშში თქვენს პირად ინფორმაციაზე წვდომის მოსაპოვებლად, მის განსაახლებლად ან წასაშლელად. მოთხოვნა ასევე შეგიძლიათ გამოგვიგზავნოთ კონფიდენციალურობის ცენტრიდან ან დაგვიკავშირდეთ დახმარებისთვის.

უსაფრთხოების მიზნით და პირადი ინფორმაციის არასანქცირებული გამჟღავნების პრევენციისთვის ბარათის მფლობელები მათი გადახდის ბარათის ემიტენტებს უნდა დაუკავშირდნენ, რათა საბარათე ტრანსაქციების მონაცემებზე მიიღონ წვდომა. ეს არის გარანტია იმისა, რომ ინფორმაციაზე წვდომა ექნებათ მხოლოდ სანქცირებულ პიროვნებებს, რომლებზეც ემიტენტის ვერიფიკაციის პროცესები გავრცელდება.

ამასთან ერთად, თუ გაქვთ შეკითხვები იმაზე, თუ როგორ ეპყრობა თქვენს პირად ინფორმაციას თქვენი ემიტენტი, ნებისმიერი სხვა სავაჭრო ობიექტი თუ საბონუსე პროგრამის ქსელი, მაშინ გაეცანით ამ კომპანიების შეტყობინებებს კონფიდენციალურობის შესახებ და კონფიდენციალურობასთან დაკავშირებული მოთხოვნებით პირდაპირ მათ დაუკავშირდით დახმარებისთვის. როცა Visa სერვისის პროვაიდერის (იგივეა, რაც მონაცემთა ოპერატორი) სახით მოქმედებს ჩვენს კლიენტებთან, თქვენს ინფორმაციას მხოლოდ ჩვენი კლიენტის ინსტრუქციის შესაბამისად ვამუშავებთ მომსახურების მიწოდების მიზნით და სხვა სათანადო მიზნებისთვის, როგორიცაა აღრიცხვის წარმოება და შესაბამისობა. ჩვენი კლიენტების იმედი გვაქვს პირადი ცხოვრების ხელშეუხებლობის უფლების სამართავად და თქვენთვის კონფიდენციალურობის შესახებ სათანადო შეტყობინებების მოსაწოდებლად.

ზოგიერთი ქვეყნისა და შტატის რეზიდენტებს პირადი ცხოვრების ხელშეუხებლობის დამატებითი უფლებები გააჩნიათ. ამ უფლებების შესახებ ინფორმაცია წარმოდგენილია კონფიდენციალურობის შესახებ დამატებით შეტყობინებებში, რომლებიც გამოქვეყნებულია კონფიდენციალურობის ცენტრში.

Visa-ს სათაო ოფისი მდებარეობს შეერთებულ შტატებში და მართავს გადახდების გლობალურ ქსელს შვილობილ კომპანიებთან და სერვისის პროვაიდერებთან ერთად მთელი მსოფლიოს მასშტაბით. თქვენი პერსონალური ინფორმაცია შეიძლება გადაიგზავნოს სხვა ქვეყნებში, რომლებსაც, შესაძლოა, არ გააჩნდეთ კონფიდენციალურობის ან მონაცემთა დაცვის მსგავსი კანონები. ნებისმიერ შემთხვევაში ჩვენ ყოველთვის დავიცავთ თქვენს ინფორმაციას, სადაც არ უნდა ინახებოდეს იგი, როგორც ეს აღწერილია კონფიდენციალურობის შესახებ შეტყობინებაში.

თქვენი პირადი ინფორმაციის დაკარგვისგან ან არასანქცირებული წვდომისგან დასაცავად ჩვენ ვიყენებთ უსაფრთხოების ფიზიკურ, ტექნიკურ, ორგანიზაციულ და ადმინისტრაციულ მექანიზმებს. მაგალითად, მგრძნობიარე ინფორმაციის დასაცავად ჩვენ ვიყენებთ დაშიფვრას და სხვა მექანიზმებს.  ჩვენ ვინახავთ თქვენს ინფორმაციას, როგორც ამას მოითხოვს ზემოთ ჩამოთვლილი მიზნები და როგორც ეს დაშვებულია კანონის მიერ.

კონფიდენციალურობის შესახებ ეს შეტყობინება განმარტავს, როგორ ეპყრობიან თქვენს პირად ინფორმაციას Visa Inc. და მისი შვილობილი კომპანიები. იმის გასაგებად, თუ როგორ ეპყრობა კომპანია თქვენს ინფორმაციას, აგრეთვე გაეცანით თქვენი Visa ბარათის ემიტენტის მიერ მოწოდებულ შეტყობინებას კონფიდენციალურობის შესახებ. ამასთან ერთად, თუ მონაწილეობას იღებთ შემოთავაზებებსა და აქციებში, დარეგისტრირებამდე გაეცანით სავაჭრო ობიექტის ან საბონუსე ქსელის მიერ მოწოდებულ შეტყობინებას კონფიდენციალურობის შესახებ.

კონფიდენციალურობის დაცვის საკუთარი წესები აქვთ სოციალური მედიის პლატფორმებს და სხვა ვებსაიტებს, რომლებზეც, შესაძლოა, Visa-ს ვებსაიტებიდან გადახვიდეთ. ჩვენ გირჩევთ, რომ გაეცნოთ ამ საიტების მიერ მოწოდებულ შეტყობინებებს კონფიდენციალურობის შესახებ, სანამ მათ თქვენს ინფორმაციას გაუზიარებთ.

თუ Visa-ში მუშაობის დასაწყებად განაცხადი გააკეთეთ, თქვენს განაცხადში მოცემული პირადი ინფორმაცია გამოყენებულ იქნება და შეინახება პერსონალის შერჩევასთან, შესაბამისობასთან და ადამიანურ რესურსებთან დაკავშირებული სხვა სტანდარტული მიზნებისთვის. ადამიანურ რესურსებთან დაკავშირებული კონფიდენციალურობის პროგრამის შესახებ მეტი ინფორმაციის მისაღებად გთხოვთ, დაგვიკავშირდეთ.

Visa-ს პლატფორმები არ არის მიმართული ბავშვებზე და ჩვენ მიზანმიმართულად არ ვაგროვებთ არანაირ ინფორმაციას უშუალოდ 16 წლამდე ასაკის ბავშვებისგან. თუ ფიქრობთ, რომ ბავშვის ინფორმაციას არასათანადოდ ვამუშავებთ, გთხოვთ, დაგვიკავშირდეთ.

შესაძლოა, კონფიდენციალურობის შესახებ ეს შეტყობინება დროდადრო განვაახლოთ. თუ ცვლილებები არსებითი იქნება, ონლაინ გამოვაქვეყნებთ გამაფრთხილებელ შეტყობინებას.  თუ ცვლილებები მნიშვნელოვნად იმოქმედებს ჩვენ მიერ უკვე შეგროვებული იდენტიფიცირებადი ინფორმაციის გამოყენების წესზე, ამის შესახებ შეგატყობინებთ.

თუ გაქვთ კითხვები ან შენიშვნები კონფიდენციალურობის ჩვენი პრაქტიკის თაობაზე ან გსურთ, თქვენი პირადი ცხოვრების ხელშეუხებლობის უფლებებით სარგებლობა, გთხოვთ, დაგვიკავშირდეთ.  თქვენ შეგიძლიათ:

• გამოგვიგზავნოთ ელწერილი: [email protected]
  ელწერილებში არ მიუთითოთ მგრძნობიარე ინფორმაცია, როგორიცაა თქვენი ანგარიშის ნომერი.
• გამოგვიგზავნოთ წერილი ფოსტით:
  Visa-ს გლობალური კონფიდენციალურობის ოფისი
  900 Metro Center Blvd.
  Foster City, CA, 94404
  აშშ